مره كنت ماشيه بالسوق وشفت ولد من بعيد قاعد على الرصيف ومش لابس كندرة برجله ورحت عليه وقلتله وين امك وين اهلك وقعد يتلاوق وما حكى ولا اشي انا فكرته اخرس وحملت الولد من مكانه وبلشت ادور على اهله واسأل عن اهله بالسوق ولا حد تعرف عليه رحت اشتريت للولد صندل ولبسته ياه واشتريتله سندويشة شاورما وعصير وبلشت الدنيا تعتم وفجأة سمعت عالمكرفون تبع الشرطه انتي يا بنت الي لابسه قميص كرهات وماسكه ولد صغير وقفي صار كل الي بالسوق يطلعوا علي وكل وحده تمسك ابنها مني ويقولو الشرطه ابعدو عنها حسيت حالي ارهابيه من داعش انا هون بلشت اعيط وابنها بوقت شاف امه بلش يحكي ويقول هيها يما الي خطفتني وانا اقله انا خطفتك وبلشت اعيط ومسكارتي اكس فاكتور ساحت وكحلتي حرقت عيوني من العياط وام الولد تقلي يا خطافة الولاد يا الي ما عندك قلب ولا دين ولا ضمير وماتت قلوب الناس ماتت من النخوة وانا بلش وجهيي يصير الوان وكان مايل للون الازرق قلت والله لأنحبس من ورى طيبة قلبي اقلها وحدي الله انا لقيت ابنك قاعد عالرصيف وحزنت عليه قالت مين قلك تحزني عليه انا ابني ابوه معروف بس قعدته عالرصيف لانه صندله انقطع ورحت اجيبله صندل وما لقيته يا خطافة الولاد بدك تبيعي اعضاءه انا هون فكرت بمزحو معي وانهم من برنامج الصدمه وقعدت ازبط بحالي بس شفت الكاميرات قلتلها وحدي الله اعضاء شو انا ما بعرف غير اعضاء قروب الواتس اب تبع عيلتنا بنات واقطع وقالتلي والله لاقطعك واخليكي عبره ورفعت قضية علي بخطف ابنها وقعدت اسبوع بالنظارة على ذمة التحقيق وتسجلي قيد وصرت قبل ما اطلع من مكان سكني اروح اوقع عند الشرطه واثبت وجودي
وبس عرفو اني بريئة طلعوني من الحبس بلشت اعطي